O pasado mércores 15 de xuño fumos de excursión ao San Roque invitados pola ANPA a realizar distintas actividades: visita aos animais, paseo e contacontos cun “trasgo”, xogamos nos hinchables e puidemos tirarnos nas tirolinas. Pasámolo xenial! Neste video podedes ver algúns destes momentos. Moitas grazas a ANPA por organizar esta xornada.
20/6/22
14/6/22
Postais de Celeiro
Neste vídeo podedes ver o mural que fixemos despois da nosa visita aos lugares emblemáticos da nosa parroquia.
Vista ao Parque de Bombeiros
A semana pasada os nenos/as de infantil convertímonos en bombeiros por un día: subimos ao camión, disparamos coas mangueiras… actividades divertidísimas e nos agasallaron cun carnet e un “casco”. Foi unha experiencia xenial e neste video podedes ver algúns destes momentos.
10/5/22
Proxecto "Coñecemos Celeiro"
Aquí vos deixamos o vídeo da saída que fixemos para coñecer algunhas das edificacións e espazos naturais que temos na contorna próxima ao cole, enmarcándoa dentro do Proxecto de centro "Coñecemos Celeiro". Pasámolo xenial e aprendimos moitas cousas. Xa estamos desexando repetir, como nos tardaba volver a disfrutar destes momentos.
6/5/22
TOUPICIENCIA - A XANELA DO MAXÍN
O día 21 de abril, as nenas e nenos de infantil asistimos ao espectáculo TOUPICIENCIA, no que Toupiña e o seu axudante Protonio ensinánonnos uns divertidos experimentos científicos que despertaron a nosa curiosidade e cos que disfrutamos un montón.
3/5/22
Proxecto "Coñecemos Celeiro"
Unha das actividades que traballamos dentro do Proxecto "Coñecemos Celeiro", foi realizada polo alumnado de 4º de Educación Infantil, versionando unha canción moi coñecida por tod@s nós "Catro vellos mariñeiros".
Ademais, elaboraron un mural super chulo baseado na canción. Esperamos que vos guste tanto como a nós.
6/4/22
A NOSA CONTORNA NATURAL
Como moitos e moitas xa sabedes, o noso cole participa, todos os anos, no proxecto VOZ NATURA.
Pinchando na foto, podedes consultar o blog no que estamos a promocionar todas as actividades realizadas na marabillosa contorna que temos no cole e que intentamos aproveitar ao máximo para que os nenos e as nenas, ademais de aprender a coidar os elemenos da contorna, disfruten de actividades ao aire libre e dos beneficios que iso proporciona para a nosa vida cotiá.
5/4/22
Maxia Potaxia que apareza...
O venres, disfrutamos do espectáculo de maxia a cargo do gran mago local
KIKO CARROLO.
So hai que ver as caras de emoción e ilusión dos nenos e nenas para saber que quedaron encantados e encantadas con esta actividade.
Grazas á ANPA por promover esta actividade.
15/3/22
Día Internacional da Muller
O 8 de Marzo, celébrase o Día Internacional da Muller, e desde o centro quixemos sumarnos ás reinvidicacións deste día. É por iso que, desenvolvéronse diferentes actividades para facer reflexionar ao alumnado sobre a figura da muller na sociedade.
A continuación, podedes ver neste vídeo, algunhas das que se fixeron nas aulas de Infantil, e que dedicamos a todas as que loitaron e loitan por unha igualdade real entre homes e mulleres.
9/3/22
Laboratorio de experimentos
Como podedes ver, xa puxemos en funcionamento o LABORATORIO DE EXPERIMENTOS, que temos ubicado no patio do cole. Con él pretendemos que os nenos e nenas experimenten con diferentes materiais e con elementos da natureza que poden atopar ao seu arredor.
E a verdade é que o estamos a pasar xenial.
Hai uns días solicitamos por Abalar que nos proporcionárades diferentes utensilios e obxectos de madeira ou metal que tivérades pola casa e que podemos utilizar neste laboratorio e cos que poder realizar diferentes experimentos.
Os nenos e nenas de 4º de EI (3 anos) poderán traer obxectos como culleres, culleróns, morteiros, táboas de cortar e/ou espumadeiras
Os nenos e nenas de 5º de EI (4 anos), bandexas, boles, cuncas, botes, tixolas e/ou potas pequenas.
E os nenos e nenas de 6º de EI (5 anos), poderán aportar pas, coadoiros, recipientes, espátulas e/ou balanzas (non electrónicas)
Gustaríanos darlle as grazas á ANPA e a todas as familias por colaborar con nós nesta iniciativa.
7/3/22
Febreiro Festeiro
Durante o mes de Febreiro traballamos moitas cousas, sobre todo, relacionadas co:
- ANTROIDO, no que gozamos preparando decoracións para o cole, realizando as nosas propias caretas e antefaces, seguindo os mandatos do MECO e, sobre todo, desfilando polas rúas arredor do cole e na posterior festa, na que bailamos e cantamos un montón.
Na semana grande das celebracións do Antroido, fixémoslle un merecido homenaxe a
Rosalía de Castro, na data do seu nacemento, o 23 de febreiro.
As actividades que realizamos para homenaxear a esta figura tan importante para o idioma galego e o rexudir das nosas letras, estaban enmarcadas nas propostas da Asociación de Escritoras e Escritores en Lingua Galega, seguindo o lema #SementadePensamentos
18/2/22
Comeza o Entroido!!!
As nenas e os nenos de Infantil do Ceip de Celeiro, querémoslle dar a benvida ao Entroido, da mellor maneira posible. Por iso, queremos cumprir o que o MECO nos ordene, porque, como xa sabemos:
"O Meco manda,
o Meco ordena,
e se non o cumpres
pagarás condena".
No seguinte vídeo podedes comprobar os mandatos que deberemos cumprir durante a próxima semana.
Que viva o Entroido!!!
1/2/22
Día Escolar da Non Violencia e a Paz
Ola familias!!!!!
Deixamos aquí un vídeo das actividades que fixemos para a conmemoración do Día Escolar da Non Violencia e a Paz. Esperamos que vos guste
23/11/21
O OUTONO
Ola familias!!!!
Durante estes meses estivemos investigando sobre o Outono e as súas celebracións. Fixemos moitas actividades con produtos desta época e celebramos o Samaín e o Magosto. Deixámosvos aquí algunhas fotos de cousiñas que fixemos. Esperamos que vos gusten e que disfrutedes tanto como disfrutamos nós.
19/11/21
20 DE NOVEMBRO, DÍA DOS DEREITOS DA INFANCIA
O 20 de novembro, é O Día Universal do Neno.
É un día de celebración polos avances conseguidos, pero sobre todo, é un día para chamar a atención sobre a situación dos nenos máis desfavorecidos e para dar a coñecer os dereitos da infancia co fin de concienciar ás persoas da importancia de traballar día a día polo seu benestar e desenvolvemento.
Presentamos a continuación, un resume explicado para todos os nenos/as, de cales son os seus dereitos e os seus deberes.
16/11/21
VIVEIRO SOSTIBLE
Aproveitando a visita, deixáronos uns paneis expositivos sobre o coidado do mar.....que nos recorda o importante que é non tirar lixo ao mar e coidar as augas da nosa vila mariñeira.
12/11/21
CELEBRAMOS O MAGOSTO
Na mañá do 11 de novembro, DÍA DE SAN MARTIÑO, celebramos o xa tradicional MAGOSTO que por estas datas adoitamos facer no noso colexio. Foi un día estupendo e pasámolo moi ben!!!
- Participamos no circuito de xogos que nos preparou a profesora de Educación Física, Mª José.
- O alumnado de 6º curso de Primaria, xunto coa súa titora Susana, preparou unha coreografía.
- Tamén nos acompañaron dous gaiteiros, o profesor de 5º, José Antonio e o pai e Antón, David.
- Eles foron, coa súa música, os encargados de amenizar a degustación das castañas asadas, que aínda que estaban un pouquiño duras o sabor era moi bo. Grazas ás familias pola súa aportación.
29/10/21
15/9/21
Comezo do curso 2021-2022
Iniciamos un novo curso e todos os mestres/as e comunidade educativa, estamos moi contentos/as de poder formar parte da vosa formación e preparación.
Con esforzo e entusiamo, conseguiredes todo o que vos propañades. Así que, feliz inicio de curso!!
21/6/21
Graduación do alumnado de 6º de Infantil
Hoxe foi un día moi emotivo para as nenas e nenos da aula de 6º de Infantil e a súa titora Inés. Despedíronse da etapa de Infantil e para o vindeiro curso comezarán Primaria.
- Iniciaron a mañá visualizando un vídeo que recolle os momentos de toda a etapa, desde que comezaron en setembro de 2018 ata xuño deste ano 2021.
- A titora, Inés, entregoulles un diploma e unha orla ben bonita.
- E por suposto, non faltou unha gran merendola!
VÍDEO DA PROMOCIÓN
Boas vacacións para todos, descansade, gozade e volvemos a vernos en PRIMARIA!
17/6/21
Excursión do alumnado de 5º de Infantil
O alumnado de 5º de Infantil pasaron un día estupendo na praia de Area!!!.
Foi unha xornada de despedida do curso
11/6/21
Saída "CAMIÑO DO MAR"
Na mañá do xoves, 10 de xuño o alumnado de Infantil e 1º e 2º curso de Primaria realizaron unha saída polo núcleo urbano de Celeiro para ter un maior coñecemento do noso entorno.
Foi unha visita guiada a través do proxecto "Camiño do Mar" do Concello de Viveiro.
2/6/21
Disfrutando do entorno do colexio
ENTRADA NO BLOZ VOZ NATURA DO COLEXIO
Os nenos e nenas de tres anos aproveitaron o día de sol para desfrutar do entorno do cole.
Tamén coidaron das plantas do patio infantil: regaron os pementos, os amorodos, a borraxe e os xirasois e descubriron como son os pulgóns e como van comendo o zume das plantas ata que murchan.
11/5/21
Letras Galegas 2021
Deixamos nesta entrada o traballo que realizaron as nenas e nenos de 6º de Ed. Infantil para as Letras Galegas sobre o poema de Manuel María: "Galicia"
Na páxina especial dedicada a Xela Arias temos todas as actividades que realizamos para estas Letras Galegas 2021.
5/5/21
KAMISHIBAI: Las diez gallinas
A profesora Antía Ramos estivo nas aulas de 4º e 6º de Infantil para contarlles o conto: "Las diez gallinas", a través do KAMISHIBAI.
Kamishibai, en xaponés, quere dicir “teatro de papel”.
É unha forma de contar contos moi popular en Xapón. Adoita estar dirixido a nenas e nenos pequenos que van gozar del en grupo. Tamén é utilizado como recurso didáctico. Está formado por un conxunto de láminas que ten un debuxo nunha cara e texto na outra. O seu contido, xeralmente en forma narrativa, pode referirse a un conto ou a algún contido de aprendizaxe.
PREME NA IMAXE PARA VER O VÍDEO
30/4/21
Sesión de teatro online para o alumnado de Infantil
O mércores, 26 de abril, o alumnado de Infantil tivo a oportunidade de participar na proxección online da obra teatral "As fabas máxicas" de CARAMUXO TEATRO, a través das actividades escolares Afundación.
Un espectáculo contado en primeira persoa a través do teatro de actor e de monicreques.
Xan vive agora nun pequeno apartamento dun dos edificios mais altos de Nova York. Coidando as plantas da súa terraza, descobre algo sorprendente, que lle lembra unha asombrosa infancia chea de aventuras.
Unha proposta de lecer en familia para nenos a partir de 4 anos cunha coidada estética na que o humor, a emoción, e a poesía mistúranse para dar unha visión contemporánea do coñecido conto infantil.
1/4/21
Día Internacional do Libro Infantil e Xuvenil
Para celebrar o Día Internacional do Libro Infantil e Xuvenil deixamos a seguinte presentación onde poderedes ver varios contos realizados no noso colexio:
26/3/21
OVOS DE PASCUA
Para rematar o trimestre o alumnado de Infantil presenta un novo traballo:
Os seus oviños de Pascua
Deixamos tamén o enlace á entrada no blog da Bibliosoños para conmemorar o día do Libro Infantil e Xuvenil:
DÍA INTERNACIONAL DO LIBRO INFANTIL E XUVENIL