Como todos os anos, o último día antes das vacacións de Nadal, no colexio facemos un gran FESTIVAL DE NADAL onde os nenos e nenas de Infantil fan unha dramatización e cantan unha panxoliña. No seguinte vídeo podemos ver e escoitar o ben que o fixeron!
O vello Apalpador, tamén chamado en zonas Apalpabarrigas, ou
Pandegueiro en partes do oriente ourensán, é unha figura lexendaria galega
que achega os agasallos ás nenas e nenos polas datas de Nadal. Até os
nosos días amósase como un xigante que baixaba das devesas e apalpaba as
súas barriguiñas. Se estaban cheas dicía: «Así, así esteas todo o ano» e deixáballes unha presa de castañas. Senón calaba, pero deixáballes tamén as castañas.
Os nenos e nenas de 5º de Infantil fixeron un traballo moi interesante
Unha orixinal e fermosa árbore para o NADAL que realizaron nas aulas de Infantil. As estrelas foron traballadas en familia e quedaron así de bonitas na noite estrelada.
Como Proxecto Documental este curso estamos a traballar a Pintura Impresionista. Pouco a pouco iremos vendo os diferentes traballos que se farán tanto en Infantil como en Primaria.
O 20 de novembro de 1959 aprobouse a Declaración dos Dereitos do Neno. E desde entón, en todo o mundo, celébrase nesta data o Día Universal dos Nenos e Nenas.
No noso centro o alumnado e profesorado, seguindo a programación recollida no proxecto da Biblioteca e no EDLG (Equipo de dinamización da Lingua Galega), traballamos sobre este tema durante esta quincena.
Como primeiro traballo presentamos este vídeo de Infantil: Derecho a jugar.
Seguimos presentando máis traballos sobre o outono. Nesta ocasión é o mural que realizaron os nenos e nenas da aula de 4º de infantil, xunto coa súa titora Cristina.
Como este curso estamos documentándonos e traballando sobre o "Impresionismo", o mural recolle técnicas e cores propios deste estilo pictórico.
Comezamos a presentar os pequenos traballos que van realizando os nenos e nenas de Infantil.
Nesta ocasión é o libriño que fixeron o alumnado de 6º de Infantil sobre o outono
O venres, 28 de outubro, celebramos o Samaín no noso colexio.
Durante a semana fixemos actividades que nos axudaron a coñecer e aprender en que consiste esta celebración:
fixemos fichas para facer pequenos libros
debuxamos e escribimos contos
decoramos as portas e corredores
elaboraron un gran castelo que enchemos de figuras monstruosas que trouxemos das nosas casas e elaboradas con materiais de refugallo coa axuda de papá e mamá
tivemos sesión "de contos de medo" na Biblioteca coas das mestras Karen, Cristina e Angélica que nos contaron 3 contos: "A casa da miña avoa", "Onde viven os monstros" e "Carabuñas"
Na aula de 6º de infantil traballouse o conto "El cazo de Lorenzo" de Isabelle Carrier.
Trátase dun conto que nos amosa en forma de metáfora os obstáculos que ten que superar un neno con dificultades. Esas dificultades represéntanse por medio dun cazo vermello que acompaña a Lourenzo a todas partes.
A través do conto, podemos observar como Lourenzo ten que esforzarse moito máis cos demais para conseguir o mesmo, precisamente por ese cazo que lle complica un pouco a vida.
Tamén nos amosa como Lourenzo ten moitísimas calidades; como hai persoas que só ven o cazo e atópano raro, e mesmo inquietante. Pero afortunadamente existen persoas extraordinarias (pais, mestres, terapeutas...) que axudan a Lourenzo a explotar os seus puntos fortes e a levar máis discretamente o seu cazo, o que lle facilita substancialmente a vida.
Como se traballou o conto?
Primeiro contóuselles o conto, sen explicarlles en ningún momento de que ía nin que significaba ese cazo, e logo viron varios vídeos que están en internet. Despois fixéronse preguntas para ver o que recolleran. Ningún entendera a metáfora, aínda que tampouco é de estranar, pois é difícil que a interpreten por si mesmos.
Entón explicóuselles que significaba ese cazo. Ese cazo eran distintas dificultades coas que se podían atopar as persoas. E fomos poñendo exemplos: ese cazo podía significar non ver, non oír, non poder camiñar, ter dificultades para comunicarse... E con cada un dos exemplos, iamos falando sobre como podía afectar ao noso día a día (como o cazo complicábanos un pouco a vida) e que podiamos facer para que ese cazo fose máis discreto (por seguir cun exemplo, no caso de ter unha discapacidade auditiva, como a lingua de signos, a lectura de beizos ou uns audífonos podían facer a nosa vida moito máis fácil).
Tradución do conto.
Como o libro que temos na biblioteca está escrito en castelán fixémoslle a tradución ao galego, así os nenos e nenas participan por igual das dúas linguas oficiais de Galicia.
Actividades que levamos a cabo.
Libro-Audio: que consistiu en reproducir as ilustracións, escribir e narrar o propio conto. Tomamos imaxes dos seus debuxos, gravamos as súas narración e o resultado final foi o seguinte vídeo.
Dramatización para os demais compañeiros do cole. Fixémolo coa colaboración do alumnado de 6º curso. A representación tivo lugar no ximnasio o Día da Biblioteca Escolar, 24 de outubro. Gustou moito o resultado final e queda recollido tamén en vídeo.
Reflexións e Gran Mural. Finalmente fixemos un mural coa pancarta da dramatización, os debuxos e os textos do libro-audio.
Outro mural sobre o outono, nesta ocasión é o da aula de 6º de Infantil. Está feito coas follas das árbores do noso cole e que recolleron na saída da semana pasada.
As froitas conteñen moitas propiedades nutritivas (vitaminas, minerais, fibra, etc.) que axudan a manter e coidar a nosa saúde. É un dos primeiros alimentos sólidos que se lles dá aos bebés e o seu consumo diario é fundamental para o seu crecemento.
Ás veces, os nenos móstranse remisos a comer froita, ou polo menos certos tipos delas que lles resultan menos agradables e máis difíciles para comer. Con todo, é esencial que consuman todo tipo de froitas, xa que cada unha achega diferentes propiedades.
Na aula de 5 anos probamos a piña e tamén froitos secos como as noces, abelás, améndoas e cacahuetes.
O martes, 11 de outubro, os nenos e nenas de 6º de infantil, xunto coa súa mestra Maricarmen, saíron da aula para facer unha clase moi especial.
Percorreron todo o entorno do colexio onde temos unha gran variedade de árbores.
Primeiramente recoñeceron o nome de cada únha e o do seu froito; recolleron follas e froitos caídos e por último na aula puxeron as follas a secar para dentro duns días facer un gran mural do outono.
Os nenos e nenas da aula de 6º de infantil, este curso van a levar conta dos libros que van lendo a través do seguinte libriño que lles preparou a súa profesora Mari.
Hoxe, na TVG, emitirán o programa COS PÉS NA TERRA, onde sairán os nenos e nenas do noso centro, que participaron nas actividades do Horto o curso pasado. Que pasen un bo día!
Hoxe foi un día moi importante para os nenos e nenas de infantil pois asistiron á graduación do último curso. Foi un acto moi emotivo que celebramos na Biblioteca do colexio.
Visionaron o vídeo especial que lles preparou a profesora Cristina, no que se facía un percorrido polos tres cursos da promoción que agora remata.
Na mañá do martes, 31 de maio, os nenos e nenas de Infantil, xunto coas profesoras Maricarmen, Ana, Cristina, Lucía, Rita e Marta, fomos de excursión a San Cibrao:
Fumos en tren
Visitamos o Museo do Mar
Merendamos no parque
Xogamos
E volvemos a Celeiro en autobús
Aquí podemos ver dous vídeos o primeiro é de fotos o segundo e dos vídeos que lles gravamos.
No noso colexio gústanos moito ver e observar os traballos realizados por outros coles e así foi como chegamos ao COLE DA ARMENTEIRA.
Para traballar as Letras Galegas ilustraron varios poemas de Manuel María, engadíronlle música e efectos de vídeo. O resultado final podemos velo
Os nenos e nenas de 6º de Infantil do CEIP Pedrosa Latas felicitaron o traballo realizado enviándolles uns debuxos e eles en agradecemento fixeron este bonito vídeo
Todo o cole queremos agradecer este fermoso vídeo que nos dedicaron. Moitas grazas e novamente noraboa polos vosos traballos!
Durante o mes de maio son moitas e variadas as actividades que levamos a cabo todos os cursos do colexio:
Exposición de libros dos autores homenaxeados
Láminas sobre Manuel María
Traballos dos alumnos e alumnas
Dramatización "O bigote de Mimí" a cargo dos nenos e nenas de 1º curso
Presentación en vídeo da canción "Depende de min", con letra, música e coreografía dos profesores do centro.
Festival especial (venres, 20 de maio) coa participación dos alumnos e alumnas do colexio cantando a canción do MAIO e o coro "SONS DE CELEIRO" dirixido por Daniel Caxete.
Co comezo do mes de maio os nenos e nenas de infantil están a traballar sobre as Letras Galegas.
Así podemos ver o libriño que fixeron en 6º de infantil sobre Manuel María.
A tripulación do helicóptero: piloto e rescatadores, explicáronlles os elementos que utilizan para facer os rescates e tamén lles deron bos consellos para acudir ao mar; foron izados pola grúa e subiron ao helicóptero.
Aprenderon moitas cousas e pasáronno estupendamente, remataron a xornada tomando a media mañá no parque de Lavandeiras.
Nas aulas de Infantil, os nenos e nenas, xunto coas súas profesoras: Ana, Mari e Inés, aprenderon a preparar unha MACEDONIA.
Trouxeron as froitas das súas casas e aprenderon moitas cousas sobre as mesmas; despois chegou o turno de tracear cada froita, mezclar todos os ingredientes e degustar a macedonia á hora da merenda da mañá. Que rica estaba!
Agora que remata o 2º trimestre os nenos e nenas de 5º de infantil acaban de rematar os libriños de fichas das unidades que traballaron: OS OFICIOS e O INVERNO.
Os nenos e nenas de 6º de Infantil traballaron o Entroido en Galicia e como colofón fixeron un pequeno desfile polas aulas do colexio a modo de PELIQUEIROS.
Estamos na semana da celebración do Día da Paz e por iso son moitos os traballos que se fan desde as aulas para ambientar e decorar os corredores do colexio. Na seguinte presentación podemos ver o mural colectivo de Infantil e a árbore da Paz dos nenos e nenas de 6º Infantil.
Como Proxecto Documental este curso estamos a traballar a Pintura Impresionista. Pouco a pouco iremos vendo os diferentes traballos que se farán tanto en Infantil como en Primaria.
Cos debuxos que fixeron os nenos e nenas de Infantil,para o vídeo da canción "Derecho a jugar", preparamos un mural que quedou así de ben!
Os nenos e nenas da aula de 6º de infantil, este curso van a levar conta dos libros que van lendo a través do seguinte libriño que lles preparou a súa profesora Mari.
As aulas, portas e corredores de Infantil xa están cheos de flores, bolboretas, paxariños e bichería que nacen na primavera.
Os nenos e nenas de 4º de Infantil, xunto coa súa profesora Ana, acaban de rematar o seu mural do inverno.
