" A entroidar !! "

Que ben o pasamos hoxe! Xogamos, bailamos, cantamos, desfilamos, comemos...Viva o entroido!!

"Tempo de entroido"

Esta foi unha semana moi completa e divertida: decoramos o cole, fixemos antifaces e carautas, disfrazámonos seguindo as ordes do Meco e ademáis tivemos a sorte de contar coa actuación do grupo  Eu son, que nos contaxiou a súa enerxía e ilusión. Moitísimas grazas por compartir con nós a vosa música, pasámolo xenial e desexamos que volvades pronto.

Traballo dos nenos e nenas de 6º de Infantil

Os nenos e nenas de 6º de Infantil acaban de rematar o seu "Libriño do inverno".

Nesta ocasión poñemos o realizado por Raúl

"Zeralda e o dragón"

Este é o video que fixemos para participar na actividade proposta polo IES da Poba do Caramiñal: " 21 días co galego ", adicada este ano a Agustín Fernández Paz.
Como xa sabedes, eliximos a obra "Zeralda e o dragón" e este foi o resultado.

"Rosalías pequeniñas"

Onte foi un día cheo de momentos emocionantes, que moitos de vós puidestedes compartir con nós.
Aquí vos deixamos unha mostra dalgúns deles, neste caso protagonizados polas nosas " Rosalías pequeniñas".

Aprendemos cantando!

Unha clase moi divertida! 

Aprendemos a vestirnos e os nomes das prendas de vestir, en inglés, 
cunha bonita canción que nos ensinou a nosa profesora Rosa.

 The song is from OUP: Three in a tree
 

Inverno

Os nenos e nenas de 5º de Infantil estamos a traballar o inverno con poemas adiviñas, refráns e un libriño referente a esta estación.

Tamén decoramos as ventás da aula e a nosa árbore cuns pingüíns moi simpáticos.

Aquí o deixamos.

Libriño do Corpo Humano

Os nenos e nenas de 6º de Infantil están estudando o Corpo Humano e fixeron un libriño que podemos ver na seguinte presentación:

Tamén vos deixamos este pequeno vídeo para aprender un pouquiño máis

Mural "La noche estrellada" de 5º de infantil

Os nenos e nenas da clase de 5º de infantil estamos traballando a obra dun recoñecido pintor do impresionimo, Van Gogh;  por iso comezamos a falar na asamblea da súa vida, tamén dos seus cadros máis representativos entre os que se atopa este.

Acordamos entón facer un mural reproducindo esta obra con distintas texturas e materiais, para o que seguimos estes pasos:

- Elaboramos as casas do pobo con cartón e  pintámolas con rotuladores de cores frías.

- Pegamos papel pinocho de cor negro para representar o ciprés, démoslle unhas pinceladas de amarelo para axustarnos máis ao cadro.

- Empregamos tamén as témperas para facer os distintos tipos de trazos que corresponden  co fondo da composición.

- Pedimos a colaboración  dos nosos veciños de corredor, os nenos e nenas da clase de 4º de infantil, para que  nos axudaran a cortar diferentes tipos de papeis (celofán, seda, pinocho, metalizado...) en diferentes tons de azul e  a pegalos para deseñar o ceo.

- Os nenos/as de 4º de infantil tamén pintaron os astros da nosa obra mesturando a témpera no propio papel tratando de imitar o estilo da obra.

Non quixemos rematar o noso mural sen enmarcalo dunha forma axeitada, así que pintamos un gran marco de cartón mesturando as cores laranxa e marrón, para unha vez secas engadirlle trazos de ocre.

Engadimos tamén unha reprodución do cadro " Autorretrato" de Van Gogh, feita primero a lapis por Celia ( con algo de axuda da profe) e pintada por todos nós.  Empregamos, esta vez, a pintura ao óleo como técnica.