Un día moi especial!

Que ben o pasamos hoxe celebrando o SAMAÍN!
Todos os nenos e nenas de Infantil, xunto coas nosas mestras, celebramos esta festa tan especial:

• Disfrazámonos terrorificamente!

• Escoitamos "CONTOS DE MEDO", contados polas mestras Cristina Freán e Rita Lamas
• Que medo, Mamá Raquel!
• Cocorico
• ¡Te aseguro que los monstruos no existen!

• Despois do recreo tivemos sesión de baile e xogos no ximnasio

Preparando o SAMAÍN

Na mañá do martes, 31 de outubro, todo o alumnado de Infantil  celebrará o Samaín con moitas actividades:

• Sesión de photocall diante do castelo cos nosos disfraces terroríficos.
• Na biblioteca haberá sesión de "contacontos de medo" a cargo das súas mestras.
• Despois do recreo, no ximnasio, terán sesión de xogos e bailes.

Murais do outono

Xa  podemos ver os murais que fixeron os nenos e nenas de Infantil nas súas aulas e dirixidos polas súas mestras. Están expostos ao carón das aulas.

Celebración na Bibliosoños

O 24 de outubro é o Día da Biblioteca e no noso colexio todos os anos celebrámolo con moitas actividades. 

• Todos os nenos e nenas de Infantil fixeron uns marcapáxinas tendo como tema o Proxecto Documental deste curso: Viveiro, o noso Concello.
• 4º Infantil traballou o Souto da Retorta
• 5º Infantil, o Avó do Souto da Retorta
• 6º Infantil, fotogramas con debuxos sobre as cousas importantes en Viveiro

•  Na Bibliosoños tiveron unha sesión de Apadriñamento Lector do alumnado de 4º curso recitando os poemas do libro Chafarís de Xoán Neira.

• Rematamos a sesión cantando e vendo o vídeo especial do poema O rato de Biblioteca (Chafarís, Xoán Neira).

Canción para a Biblioteca

Este curso imos aprender unha nova canción para a BIBLIOSOÑOS, titúlase "O rato de biblioteca", é un poema do libro CHAFARÍS, de Xoán Neira.

Formación de Usuarios na Biblioteca Escolar

Hoxe tivemos unha sesión de formación de Usuarios da Biblioteca Escolar.

Aprendimos moitas cousas sobre os libros: como coidalos, como levalos ás nosas casas...

Todos os venres imos levar a nosa bolsiña laranxa cun libro para ler en familia.