FESTIVAL DE NADAL E VISITA DO APALPADOR

E xa chegamos ao final do 1º trimestre, todo estaba preparado para o gran día!. 

O alumnado de 6º de Infantil, xunto coa súa titora Cristina Freán, prepararon unha dramatización moi especial do conto "O Apalpador e o arco da vella". Tamén cantamos as panxoliñas que preparamos para este Nadal. 

Tivemos a visita especial do noso particular Apalpador e por último disfrutamos dunha pequena sesión de cine nas diferentes aulas.

Foi un día moi especial! 

FELICES VACACIÓNS DE NADAL

Aprendemos moitas cousas sobre correos

 

O alumnado de Infantil, 1º e 2º curso, na Biblioteca do Colexio, tiveron  a visita de dúas carteiras, Loreto e Elisa Rapa, tía e nai de Antía de 2º e Adrián de 5º Infantil.

Elas levan moitos anos sendo carteiras do servizo de Correos.

Explicáronlles todo o procedemento desde que escribimos e enviamos unha carta ata a entrega e recepción do destinatario.

Fixeron moitas preguntas e aprenderon moitas cousas sobre este importante servizo de comunicación.

Moitas gracias ás dúas pola súa dispoñibilidade e atención hacia o noso alumnado.

Apadriñamento Lector

Hoxe, o alumnado de 4º curso de Primaria, presentou o Apadriñamento Lector que estiveron preparando estas semanas. Prepararon os textos, a indumentaria, o atrezzo, decorados...

A obra elixida nesta ocasión foi o abra musical 

"Nun mercado persa" 

de Albert William Ketèlby.

É unha pequena composición escrita en 1920 onde  Ketèlbey tenta describir musicalmente o ambiente dun mercado de Bagdad.

A música describe sucesivamente:

•     A chegada dos  camelleros e o paso  majestuoso das súas monturas.
•     O canto dos esmoleiros.
•     A chegada da Princesa.
•     Os malabaristas e os encantadores de serpes.
•     O paso solemne do Califa visitando o mercado.
•     De novo o canto dos esmoleiros, a melodía da princesa e a caravana dos  camelleros afastándose, simbolizando o final do mercado no crepúsculo.

MURAL DAS NENAS E NENOS DE 5º INFANTIL

Sesión de Apadriñamento Lector

Hoxe, 20 de novembro, celébrase o DÍA DA INFANCIA e todo o alumnado de Infantil tivemos un apadriñamento Lector na Biblioteca a cargo do alumnado de Valores de 6º curso.

Contáronnos o conto "O lapis máxico de Malala"

de Malala Yousafzai.

Para traballar os DEREITOS DA INFANCIA

Para traballar o Día dos Dereitos da Infancia podemos repasar moitas das cancións que xa traballamos en cursos anteriores. Atopámolas na páxina seguinte:

CLICA NA IMAXE

Tamén atoparemos moita información no blog DEREITOS DA INFANCIA

CLICA NA IMAXE PARA ENTRAR

Celebramos o Samaín

O alumnado de Infantil, 1º e 2º curso, para celebrar o Samaín, fixeron moitos traballos nas aulas e tamén en colaboración coas familias.

No seguinte vídeo podemos ver os mesmos e tamén a sesión de contos na biblioteca e a festa no ximnasio do alumnado de Infantil.

MURAL DO SAMAÍN DE 5º INFANTIL

CANTAMOS POLO SAMAÍN

NESTA PÁXINA ATOPAMOS CANCIÓNS E VÍDEOS PARA O SAMAÍN

DÍA DE CELEBRACIÓN

Na mañá do mércores, 24 de outubro, na Bibliosoños e divididos en varios grupos, realizamos diferentes actividades:

• Falamos da importancia da Biblioteca do noso colexio.
• Presentamos o libro "POEMAS PARA O OUTONO" coa recompilación dos poemas que fixeron as nenas e nenos nas súas casas.
• Visualizamos os vídeos conmemorativos que realizaron o alumnado de 4º, 5º e 6º curso.
• As nenas e nenos de 2º curso fixeron unha sesión de recitado de poemas de xoán Neira.
• O alumnado de 4º, 5º e 6º curso tiveron un Encontro Literario co poeta Xoán Neira.

No seguinte vídeo recóllese un pequeno resumo das diferentes sesións e traballos realizados previamente. 

VÍDEOS CONMEMORATIVOS DÍA DA BIBLIOTECA

Para conmemorar o Día da Biblioteca Escolar elaboramos uns vídeos que combinan poesía, música e linguaxes diversas (debuxo, linguaxe con pictogramas, linguaxe de signos).

4º curso, POEMA: OUTONO de Xoán Neira

5º curso, POEMA: O MAGOSTO de Xoán Neira

6º curso, POEMA: O RATO DE BIBLIOTECA de Xoán Neira.

MURAL DO ALUMNADO DE 4º INFANTIL

POEMA: As Estrelas (Xoán Neira) -Xiz de Cor

 

 AS ESTRELAS

Quen sementa cada noite

o firmamento de estrelas?

A estrela que está núa

treme de frío no inverno

e nas noites de verán

báñase nos mares da lúa.

A estrela coa que eu soño

brilla coma un diamante,

titila e chíscame o ollo.

Esa estrela que chora

é unha bágoa de luz

    que se desprende e voa
         

   Quen rouba cada amencer

    as estreliñas do ceo?

Os MARCAPÁXINAS das nenas e nenos de Infantil

Para celebrar o Día da Biblioteca fixemos uns MARCAPÁXINAS moi especiais pois levan escritos versos de grandes poetas como Manuel María, Xoán Neira e María Canosa.

Primeiros murais do curso

As aulas de Infantil xa colgaron os seus primeiros murais. 

1º día do curso 2018-2019

Enviámoslles un afectuoso saúdo de benvida ao iniciar este novo curso escolar. 

Comezamos esta nova andaina con entusiasmo e ilusión e como sempre, comprometéndonos a impartir unha formación integral, enfocada cara á adquisición de valores, aprendizaxes e competencias.

BOLETÍN INFORMATIVO curso 2018-2019

Un día moi especial!!!

Que gran día o de hoxe!. 

Na Biblioteca, todo estaba preparado para recibir ao alumnado e profesorado de Infantil, un acontecemento ía ter lugar como cada ano ao rematar o curso escolar.

Primeiro chegaron os nenos e nenas de 4º e 5º de Infantil e logo xa fixeron entrada todo o alumnado  da aula da titora Ana Lago é dicir os nenos e nenas de 6º infantil que xa rematan esta etapa tan bonita e tan importante.

Despois de saudar, visionamos un vídeo resumo da súa etapa, cando chegaron con tres anos ata o día de hoxe; tiveron palabras de agradecemento para todo o profesorado; a súa titora entregoulles a cada nena e neno un diploma e a orla da promoción; por último houbo agasallos para as profesoras por parte das familias.

Foi un acto de graduación moi emocionante con choros, risas, aplausos, palabras de agradecemento...

VÍDEO DO ACTO DA GRADUACIÓN 

Imos de excursión á praia

Despois de ter que aplazar esta pequena excursión por mor da choiva, o venres, 1 de xuño todo o alumnado de Infantil, xunto coas súas titoras e profesorado acompañante, dirixímonos en autobús á praia de Area.

As nenas e nenos, coas súas merendas e utensilios para xogar coa area, chegaron moi ilusionados para compartir unha mañá con todos os seus compañeiros.

O tempo chegou a pouco pois pasáronno estupendamente e volveron ao colexio satisfeitos e "cargadiños de area" esperando que chegue xa o verán para poder disfrutar novamente da praia.

"Despedida dos nenos e nenas de 6º de Infantil"

O curso acaba e os nenos e nenas de 6º de Educación Infantil rematamos esta fermosa etapa.

Queremos facelo dun xeito moi especial, por iso preparamos un baile e unha canción na que vos transmitimos o nosos sentir.

Estamos desexando compartilo con vós. Aí vai.

Libriño: Tradicións

As nenas e nenos de 4º Infantil tamén remataron o seu libriño sobre as tradicións no Concello de Viveiro.

Libriño: AS TRADICIÓNS

Os nenos e nenas de 6º  de Infantil acaban de rematar o libriño sobre AS TRADICIÓNS dentro do Proxecto documental que traballamos este curso: "Viveiro, o noso concello".

Visitamos un Supermercado

Na mañá do mércores, 2 de maio, todo o alumnado tivo a oportunidade de facer unha visita ao Supermercado EROSKI.
Ao chegar déronnos a benvida Eva e Ana; logo visitamos as seguintes seccións: froitas e verduras, panadaría, peixaría, carnicería, lácteos e por último a sección do aseo persoal.

Como despedida agasalláronnos cunha bolsiña que levaba froita, auga, galletas...

Aprenderon moitas cousas e pasáronno moi ben.

Damos as gracias a todo o persoal do Supermercado pola súa amabilidade.

Mural do Concello de Viveiro

VIVEIRO, O NOSO CONCELLO

Xa completamos o Mural sobre o Concello de Viveiro.

Na súa realización participou todo o alumnado e profesorado de Infantil.

Este traballo forma parte do Proxecto Documental que realizamos durante este curso.

Día Mundial da Danza

O Día Mundial da Danza, celébrase o 29 de abril.

Busca celebrar a universalidade desa arte, atravesando todas as barreiras políticas, culturais e étnicas. 

Celébrase desde 1982, por iniciativa do CID-UNESCO. A data elixida, coincide coa data do nacemento de Jean-Georges Noverre (1727-1810), creador do Ballet Moderno.

Na aula de música aprendemos diferentes danzas populares do mundo.

Aos máis pequenos gústalles a "Danza do Zapateiro".

É unha danza popular de Dinamarca, báilase en parellas e ten tres pasos diferentes: cosemos, clavamos e bailamos.

No seguinte vídeo podemos ver ao alumnado de 5º e 6º de Infantil.

Sesión de Teatro e percorrido polo Casco Histórico

Na mañá do día 23 de abril, todo o alumnado de Infantil e 1º e 2º curso, tiñamos programada unha saída a Viveiro para facer un pequeno percorrido polo Casco Histórico e ver os pricipais monumentos e lugares de interese:

• Calexón do Muro, Rúa Rosalía de Castro, Porta da Vila, Gruta de Lourdes, Convento das Concepcionistas, Calexa das Monxas, Porta do Valado, Igrexa de Santa María, Igrexa e Claustro de San Francisco.

Tamén acudimos ao Teatro Pastor Díaz para ver a obra teatral "Irina Bailarina" da compañía Ghazafelhos.
Agradecemos a colaboración da ANPA do colexio pois foi ela a que patrocinou esta sesión de teatro.

Un bonito día de primavera

Non nos poidemos resistir!, o día invitábanos a saír polo noso entorno!

Paseamos polo campo, observamos a charca e as plantas e antes de xogar no patio de recreo tomamos a merenda de media mañá todos xuntos.

Observando como xermolan as sementes de mirasois

Parece que quere vir a primavera! 

O alumnado de 5º de Infantil achegouse ata o invernadoiro onde están os semilleiros de xirasois que prepararon polo día da árbore. Moitas das sementes xa comezaron a saír e pronto haberá que plantalas.

Dúas celebracións moi importantes

O día 21 de marzo celebramos o

 DÍA DA ÁRBORE E O DÍA DA AUGA

 Tivemos un día estupendo despois de tanta choiva (e tan necesaria) como caeu este mes.

Preparamos as seguintes actividades que podemos ver na seguinte presentación e no vídeo resumen 

Visita da Policía Nacional

 Plan Director para a Convivencia e Mellora da Seguridade nos Centros Educativos e as súas Contornas

Novamente o delegado de Participación Ciudadana da Comisaría de Policía de Viveiro, Pablo Rodríguez González, estivo no noso centro co alumnado de Infantil para explicarlles as funcións da Policía Nacional. As nenas e nenos fixéronlle moitas preguntas e así poideron saber moitas cousas sobre a POLICÍA NACIONAL.

• Que hai que estudar para ser policía?
• Cómo se atrapan aos delincuentes?

 Ensinoulles a placa identificativa e entregoulles pegatinas e carnets. Pasáronno moi ben e aprenderon moitas cousas!

Novo traballo

O alumnado de 6º de Infantil segue a traballar no Proxecto Documental sobre Viveiro, o noso concello e agora presentan o seguinte libriño. Nesta ocasión é o de Ainara Martínez

Celebramos o DÍA DE ROSALÍA

Na mañá do venres, 23 de febreiro, todo o colexio celebramos este día levando a nosa GRAN FIESTRA á Praza do Chao, seguindo a proposta da AELG

Recitamos poemas e cantamos as cancións:

• Adiós ríos, adiós fontes
• Pasa río

 Ao rematar as clases levamos para as nosas casas a ROSALÍA para poñela nas fiestras.

NESTA PÁXINA ESTÁN TODAS AS ACTIVIDADES

TRABALLANDO AO AIRE LIBRE

Semana de Rosalía de Castro

NA AULA DE EDUCACIÓN MUSICAL ESCOITAREMOS ESTAS CANCIÓNS 

DOS POEMAS DE ROSALÍA DE CASTRO

CLICA NA IMAXE

O Enterro da Sardiña no colexio de Celeiro

Os nosos traballos para o Entroido

No seguinte vídeo podemos ver todos os traballos que realizamos nas aulas de Infantil

Traballos sobre o Proxecto: Viverio, o noso concello

Este curso o título do noso Proxecto Documental Integrado é: VIVEIRO, O NOSO CONCELLO
Na seguinte páxina iremos poñendo todos os traballos sobre o mesmo.

Na seguinte presentación podemos ver un dos traballos realizados no 1º trimestre polo alumnado de 6º Infantil.

Preparando o Entroido

BLOG DO ENTROIDO

ENTERRO DA SARDIÑA                      CONSIGNAS DO MECO

 

Mural do inverno de 4º infantil

Os nenos e nenas de 4º infantil tamén remataron o seu mural do inverno e quedoulles así de bonito

Mural e traballos de inverno

A aula de 5º Infantil xa elaborou o seu mural do inverno.

Traballos de inverno da aula de 6º Infantil

Os nenos e nenas de 6º de Infantil, xunto coa súa profesora Ana, acaban de rematar un iglú moi especial.

Celebramos o día da Paz

Despois do recreo, todo o alumnado e profesorado do colexio, xuntámonos no ximnasio para bailar e cantar "cancións do mundo". Os nenos e nenas de Infantil cantaron:

• EPO E TAI TAI É (Canción Maorí),  unha canción de amor proveniente de Nova Zelandia.

Tamén fixemos a entrega dun diploma á gañadora do VIII concurso "Adhesivo pola Paz": 

Sonia Mora Seijo de 4º Infantil

VÍDEO DA CELEBRACIÓN

Comezamos a preparar o DÍA DA PAZ

Este curso imos aprender cancións de diferentes países do mundo:

• EPO I TAI TAI É (Canción Maorí), é unha canción de amor proveniente de Nova Zelandia.
• ANIKUNI (Canción dos indios americanos) é unha canción que ten a súa orixe na cultura dos indios canadenses, trátase da canción que acompaña á danza do lume das devanditas tribos.
• ERAM SAM SAM (Canción Marroquí)
• SOMOS O MUNDO: « We Are the World» é unha canción escrita por Michael Jackson e Lionel Richie en 1985, producida por Quincy Jones e gravada por un gran grupo de músicos famosos formado especialmente para a ocasión que se denominou USA for Africa ( United Support of Artists for Africa). Os beneficios obtidos pola canción foron doados a unha campaña humanitaria para tentar acabar coa tremenda fame negra en Etiopía.

Na seguinte páxina atopamos as músicas e letras das mesmas

Clica na imaxe