POEMA: As Estrelas (Xoán Neira) -Xiz de Cor
AS ESTRELAS
Quen sementa cada noite
o firmamento de estrelas?
A estrela que está núa
treme de frío no inverno
e nas noites de verán
báñase nos mares da lúa.
A estrela coa que eu soño
brilla coma un diamante,
titila e chíscame o ollo.
Esa estrela que chora
é unha bágoa de luz
que se desprende e voa
Quen rouba cada amencer
as estreliñas do ceo?
